Əsaslı təmirdən sonra Çaxırlı kənd ümumi orta məktəbi istifadəyə verildi

[/center]

16 sentabər əsaslı təmirdən sonra Çaxırlı kənd ümumi orta məktəbi istifadəyə verildi. Tədbirdə Göyçay rayon İcra Hakimiyyəti başçısı səlahiyyətlərini müvəqqəti icra edən İkram Vəliyev, Milli Məclisin deputatı Sabir Hacıyev, , Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi Famil Əliyev, “Biloloji Təbabət Klinikası”nın rəhbəri Elxan Yaqubov, Aran Regional Təhsil İdarəsinin Göyçay rayonu üzrə Təhsil sektorunun müdiri Rahib Burcalıyev,Yeni Azərbaycan Partiyası rayon Təşkilatının sədri Sahib Şükürov, Təhsil şöbəsinin nümayəndələri, müəllimlər və ali məktəbə hüquq–mühafizə orqanlarının rəhbərləri, şəhid ailələri, kənd sakinləri və rayon ictimaiyyətinin nümayəndələri iştirak ediblər.

Əvvəlcə rayon rəhbəri qonaqlarla birlikdə məktəbdə ucaldılmış şəhidlər abidə kompleksini ziyarət edib, önünə tər gül-çiçək dəstələri qoydular. Azərbaycan respublikası dövlət himni səsləndi, Vətənimiz uğrunda canlarından keçən şəhidlərimiz bir dəqiqəlik sükutla yad olundu.

Tədbiri giriş sözü ilə açan rayon İcra Hakimiyyəti başçısı səlahiyyətlərini müvəqqəti icra edən İkram Vəliyev müəllim və şagird kollektivini, valideynləri "Bilik günü" münasibətilə təbrik edib. Bildirib ki, əsaslı təmirdən sonra məktəbin açılışı münasibəti ilə tədbir iştirakçılarını təbrik edib. Bildirib ki, Ulu Öndərimiz: “Təhsil millətin gələcəyidir”,- demişdir. O, deyirdi: “Məktəb, maarif, təhsil işi ilə həmişə sıx bağlı olmuşam... Hesab edirəm ki, cəmiyyət haradan olursa olsun, nədən olursa olsun kəsib təhsilə xərcləməli, gənc nəslin təhsilinə, müəllimə kömək etməlidir. Bu mənim prinsipial mövqeyimdir.” Bu kəlamlar böyük rəhbərimizin təhsilə nə qədər önəm verdiyinin aydın təzahürüdür. Onun zəhməti, qayğısı sayəsində təhsil sistemində köklü dəyişikliklər edildi, səriştəsiz adamlar oradan uzaqlaşdırıldı, peşakar, bacarıqlı, işgüzar alimlər, müəllimlər təhsilin idarə edilməsinə gətirildi. Ulu Öndərin tapşırığı ilə təhsil işçilərinə dövlət qayğısı artırıldı. Dərsliklər dövlət vəsaiti hesabına çap olunmağa başlanıldı. Müəllimlərin maaşları mütəmadi surətdə artırıldı.

Çıxış edən natiqlər məktəblərin əsaslı təmirdən sonra açılışının əlamətdar hadisə olduğunu vurğulayıb. Prezident İlham Əliyevin təhsilə göstərdiyi diqqət və qayğıdan danışaraq son illər ölkəmizdə yeni tikilən məktəblərin sayının günü-gündən artdığını bildiriblər.




Təhsil sistemində köklü islahatlar aparıldı, yeni layihələr həyata keçirildi, milli təhsiliminiz maddi-texniki bazası möhkəmləndirildi. Bu gün Azərbaycanın milli təhsili öz inkişafını yaşayır. Həm respublikamızda, həm xaricdə təhsil alan gənclər yüksək ixtisaslı kadrlar kimi geri dönürlər. Əsası Ulu Öndərimiz tərəfindən qoyulmuş milli təhsilimiz respublika prezidentinin dəstək və qayğısı nəticəsində daha da inkişaf edir, Ulu Öndərin adını daşıyan Heydər Əliyev Fondunun xətti ilə yüzlərlə məktəb tikilib istifadəyə verilir.


Açılış mərasimində təhsil ocağının müəllim və şagirdləri ölkənin təhsil sistemində aparılan islahatlardan, ulu öndər Heydər Əliyevin milli təhsilimizin inkişafındakı rolundan, dövlətimizin başçısı İlham Əliyevin və Birinci vitse-prezident Mehriban xanım Əliyevanın bu sahəyə göstərdikləri diqqət və qayğıdan danışıblar.

Çıxış edənlər təhsilə göstərilən diqqət və qayğıya görə dövlətimizin başçısına minnətdarlıqlarını bildiriblər.


Sonra mərasim iştirakçıları məktəblə yaxından tanış olublar. 44 gün Vətən müharibəsi zamanı qəhrəman həmyerli şəhidlərimizin adlarının əbədiləşdirilməsi üçün yaradılan şəhid siniflərində olublar. Zabitlər bulağı və şəhidlər bulağı önündə xatirə fotosu çəkdiriblər.


Oxunub: 402