Göyçayda qarğıdalı biçini davam edir

Göyçay rayonunda təkrar əkinlə yetişdirilən qarğıdalı biçini davam edir.

Rayon Dövlət Aqrar İnkişaf Mərkəzindən bildirilib ki, cari mövsümdə 171 hektar sahədə təkrar əkinlə qarğıdalı yetişdirilib. Sahələrin 35 hektarı dənlik, 136 hektarı isə yaşıl yem üçündür. İndiyədək 8 hektar dənlik qarğıdalı sahəsi biçilib, 20 ton məhsul istehsal olunub. Heyvandarlıqla məşğul olan fermerlər tərəfindən yem üçün əkilən sahələrin 71 hektarında biçin aparılıb, 1420 ton silosluq məhsul götürülüb.

Rayonda daha çox təkrar qarğıdalı əkini aparılan Mallı-Şıxlı, Çərəkə, Qızılağac və Məlikkənd ərazi dairələrində biçin daha mütəşəkkil aparılır. Yığılan qarğıdalının xeyli hissəsi birbaşa sahələrdən satılır, bir hissəsi isə yerli bazarlara çıxarılır. Oxunub: 80