Örüşə ayrılan torpaqlar bağlar, əkin sahələri, süni göllərə çevrilib

Göyçay rayon sakinləri mal-qaralarını otarmaq üçün yer tapmırlar. Səbəb isə otlaq sahələrinin qanunsuz olaraq zəbt olunmasıdır.

Göyçay rayonunun kənd sakinləri onlara məxsus örüş sahələrindən istifadə edə bilmədiklərini deyirlər. Mal-qaralarını otarmağa yer tapmadıqları üçün heyvanlar kəndin küçələrdə qalıb.

Sakinlərin sözlərinə görə, 1998-ci ildə aparılan torpaq islahatı nəticəsində kənd sakinlərinin mal-qarası üçün ayrılmış hektarlarla otlaq sahəsi mənimsənib.

Otlaq sahələri zəbt olunduğu üçün sakinlər mal-qaralarını magistral yolun kənarında otarmalı olurlar. Bu da bir çox hallarda heyvanların vurulması ilə nəticələnən yol nəqliyyat hadisələrinə səbəb ola bilir.

Adının çəkilməsini istəyən rayonun bələdiyyə sədri örüş sahələrinin zəbt olunmasında rəhbərliyin böyük rolu olduğunu bildirir.
Hazırda da bu vəziyyət davam edir. Söz yiyəsi olan məmurlar rahat şəkildə örüş sahələrini yaxın qohumlarının adları uzun müddətli müqavilə əsasında zəbt edir. Müqavulələr bağlanır heç pulu da bələdiyyəyə ödəmir. Bəzi məmurlar şəxsən torpaqlardan istifadə edir. Əkin sahələri, meyvə bağları kmi istifadə olunur. Son dövrlər tut ağacları əkmək bəhanəsi ilə də bəzi ərazilər zəbt olundu. Milyonlara alınan tut tingləri rayonumuza gətirildi harda boş torpaq gördülırsö orda əkdilər. Su olmayan, baxımsız ərazidə əkilən tinklər qurudu ya da mal qara ağzında məhv oldu. Bələdiyyə mülkiyyətində olan əkinə yararlı sahələr var ki onlar xüsusi adamların nəzarətindədir. Bəzi torpaqlar isə bələdiyyə tərəfindən satışa çıxarılaraq qanuni şəkildə notarial qaydada alınıb. Hazırda isə həmin torpaqları müqavilə ilə rəhbər deyən şəxslərə icarəyə verilib
Göyçayda nar, karalyok, badam və s meyvə bağları, qarğıdalı, çəltik, sarımsaq, yonca və başqa əkin sahələri hazırda əkilir.
Bundan başqa rayonun kəndlərində suni şəkildə yaradılan balıq gölləri var. Bu göllərdə rəhbərliyə və onun qohum, əqrabasına, tanışlarına aiddir.
Bəzən hay küy olanda kasıb təbəqə tərəfindən zəbt olunan hektar yox sotlar çəklişlə, mətbuat nümayəndələrinin iştirakı ilə sökülür. Hektsrkar isə toxunulmazdır.

Bu barədə Goycayxeber.info.az olaraq araşdırma aparıb sizlərə təqdim edəcəyik.

Torpağın əsl sahibinin kim olduğu rayon ərazisində əlaqədar təşkilatlar tərəfindən yoxlamalar aparılanda dəqiq bəlli olacaq. Oxunub: 229